Mae Stryd Mynwy yn rhedeg trwy ganol tref Trefynwy. Mae'n stryd brysur gyda llawer yn digwydd, felly mae tagfeydd yn gyffredin.

Roedd Cyngor Sir Fynwy eisiau creu strydlun bywiog a deniadol sy'n gyrchfan i bawb ac sy’n:

Datrys problemau llwytho a pharcio i'r anabl ar y stryd

Gweithio i siopau a busnesau'r stryd

Lle croesawgar i gerddwyr a beicwyr.

I ddechrau, es i siarad â'r rhai oedd â diddordeb. Yna trefnais gyfres o weithdai, gan wahodd pobl, busnesau a sefydliadau lleol eraill iddynt. Yn y gweithdai, defnyddiais enghreifftiau o bob rhan o Brydain i ddangos buddion partneriaethau canol trefi. Gwahoddais hefyd bobl i ddechrau meddwl am ddiben, ffurf a swyddogaeth partneriaeth bosibl.

Esboniais i'r pum cynghorydd sir yn y Drenewydd beth oedd diben ac amcanion partneriaeth y dref fel y gallent ddeall eu rôl o ran sianelu pryderon a chyfleoedd o lefel leol i lefel strategol.

Yna cynhaliais ail gyfres o weithdai, gan wahodd pobl i helpu i lunio'r gweithgareddau y gallai partneriaeth tref ddangos cyfeiriad ar eu cyfer. Buom hefyd yn ystyried:

• Sut i lywodraethu a rheoli'r bartneriaeth, gan gynnwys sut y byddai'n cael ei chadeirio

• Sut y byddai pob sector yn cael ei gynrychioli ar y bartneriaeth

• Sut y byddai'r bartneriaeth yn cyfathrebu ac yn adrodd ar ei gwaith, gan gynnwys sut y gallai'r gymuned ehangach godi materion i'w trafod mewn cyfarfodydd partneriaeth.

Mewn camau diweddarach, helpais i ddrafftio cylch gorchwyl y bartneriaeth, a gyda chefnogaeth dau gynghorydd tref, fe wnes i hyrwyddo cyfarfod agoriadol partneriaeth y dref ym mis Tachwedd 2023 a gwahodd pobl yno.

Cefais fy mhenodi i edrych ar y llecyn gwyrdd a'r potensial ar gyfer hwb cymunedol a fyddai'n ychwanegu mwy o le at y llyfrgell bresennol ar gyfer digwyddiadau cymunedol a gwasanaethau lleol.

Dros y chwe mis y bûm yn gweithio ar y prosiect, roeddem yn gwahodd y gymuned leol i gymryd rhan wrth lunio'r cynigion terfynol trwy sawl digwyddiad. Roedd y rhain yn cynnwys:

• Teithiau arferion gorau i Rydaman a Brynaman

• Amrywiol ymgyngoriadau cymunedol

• Gweithdy i randdeiliaid lleol.

Roedd y broses gyfan yn hygyrch ac yn gynhwysol. Pan gyrhaeddodd pandemig y coronafeirws ym mis Mawrth 2020, newidiasom ein dull gweithredu fel y gallem barhau i gynnwys â chymaint o bobl â phosibl.

Gweithiais gyda Giles Davis a Lee John Phillips, trwy ein hasiantaeth brandio arbenigol Rooted in Place. Gyda'n gilydd, buom yn llunio strategaeth gyfathrebu, dylunio a brandio.

Trwy gyfres o sesiynau briffio, teithiau cerdded yn y dref ac ymchwil desg, daethom i ddeall y strategaeth fuddsoddi, canfyddiadau o'r dref, sut y caiff ei hyrwyddo ar hyn o bryd a'r angen i gyd-fynd â dull ehangach Croeso Sir Benfro.

Yna, buom yn trefnu nifer o ymgynghoriadau cymunedol, a oedd yn cynnwys arolwg ar-lein a hyrwyddir gan y cyfryngau cymdeithasol, cymhorthfa galw heibio am ddeuddydd yng nghanol y dref a rhai gweithdai wedi'u targedu.

Fe wnaethon ni gynnal y gymhorthfa galw heibio mewn siop wag. Buom yn gosod ffotograffau a brasluniau o olygfeydd o’r dref ar linellau golchi a gwahodd pobl i ddweud wrthym beth maen nhw'n ei hoffi am Hwlffordd a lle mae'r dref yn ddiffygiol. Daeth dros 300 o bobl, gan gynnwys disgyblion ysgol uwchradd a grŵp hanes lleol.

Roedd y cyfuniad o ymatebion i'r arolwg a sylwadau wyneb yn wyneb yn ein helpu i ddeall atyniadau unigryw y dref a chreu brîff ar gyfer y cam dylunio. O'n gwaith ymchwil, fe wnaethon ni ddysgu mai'r pethau "gorau" am Hwlffordd yw (mewn trefn):

• Yr afon

• Lleoliad Canol Sir Benfro

• Y castell

• Pobl gyfeillgar

• Siopau annibynnol

• Hanes a threftadaeth.

Yna fe wnaethon ni eu gwau yn hunaniaeth hawdd ei hadnabod sy'n cyfleu "Calon Sir Benfro". Cynaliasom weithdai gyda'r cyngor sir cyn ymgynghori'n ehangach ar y cynllun gyda'r cyngor tref a'r cylch busnes lleol.

Bûm yn helpu Cyngor Sir Fynwy gyda'i brosiectau teithio llesol, gan gynnwys Strategaeth a Chynllun Gweithredu ehangach Canol Tref Cil-y-coed:

• Helpais i reoli prosiect y cynllun cysyniad ar gyfer Ffordd yr Eglwys, y cais i Lywodraeth Cymru am gyllid teithio llesol a'r grant Seilwaith Gwyrdd Trawsnewid Trefi.

• Gweithiais gyda'r cyngor ar rannau eraill o'r Rhwydwaith Teithio Llesol, gan gynnwys y dyluniad ar gyfer y llwybr a rennir drwy'r Parc Gwledig gan gysylltu â llwybr y Lôn Las.

• Bûm yn gweithio ar y cysylltiad teithio llesol trwy ganol y dref i Heol Casnewydd (gorllewin) a chamau eraill, gan ganolbwyntio ar Ffordd yr Orsaf a'r cyswllt terfynol â Chyffordd Twnnel Hafren.

• Bûm yn rheoli’r prosiect yn strategol, cynnal ymgyngoriadau a pharatoi cynlluniau busnes ac ariannu.

Gofynnwyd i mi greu fframwaith a oedd yn ymdrin â llesiant economaidd, cymdeithasol ac amgylcheddol mewn modd integredig yn y cymoedd gan adlewyrchu heriau a chyfleoedd lleol a rhanbarthol.

Mae gan bob un o'r tri chwm gymeriad a hunaniaeth neilltuol, gyda balchder lleol ac ymdeimlad o berthyn. Roedd yn hanfodol parchu'r ysbryd cymunedol hwn wrth ystyried y newid yn y tirwedd rhanbarthol. Ein nod oedd helpu i sicrhau bod y cymunedau'n gynaliadwy drwy roi diben a gwerth newydd i'r ardal yn seiliedig ar etifeddiaeth hen ddiwydiannau a chofleidio meddwl newydd.

Gweithiais gyda Roberts Limbrick Architects i gyfleu a dangos rhai o'r heriau a'r cyfleoedd ar draws y tri chwm. Arweiniwyd y gwaith hwn gan:

• Sgyrsiau strategol gyda rhai o'r asiantaethau a sefydliadau mwy sy'n gweithio yn y cymoedd

• Dadansoddiad desg o ddata polisi ac ystadegol

• Ymweliadau safle i nodi cyfleoedd a chysylltiadau

• Adolygiad o brosiectau sydd ar y gweill a'u statws.

Fe wnes i helpu i ysgrifennu'r Cynllun Lle. Mae'r themâu blaenoriaeth a gynhwyswyd gennym yn ymateb i heriau allweddol Towyn a Bae Cinmel a'r cyfleoedd a nodais o'm hymchwil a gymeradwywyd gan y gymuned leol ac ymgyngoriadau rhanddeiliaid a gynheliais.

Bûm yn gweithio i PER Consulting fel prif ymgynghorydd y strategaeth ar gyfer cyd-drafod â'r gymuned a rhanddeiliaid.

Gwnaethom gynnal yr astudiaeth yn gynnar yn 2021, wrth i’r Deyrnas Unedig ddod allan o ail gyfnod clo Covid-19. Roedd hyn yn golygu na allem ddefnyddio mannau dan do ac roedd angen i mi addasu fy nulliau er mwyn sicrhau fy mod yn dal i allu ymwneud â chymaint o bobl â phosibl. Roedd y dulliau a ddefnyddiais yn cynnwys:

• Taith gerdded a siarad o gwmpas y dref

• Gweithdy mewn parc lleol

• Sgyrsiau gyda rhieni a gwarcheidwaid wrth giât yr ysgol

• Sesiwn galw heibio y tu allan i neuadd y dref

• Arolwg ar-lein

• Cyfres o weminarau cymunedol rhyngweithiol.

Bûm yn gweithio mewn partneriaeth â'r Cyngor am dri mis. Cyflawnais ymchwil polisi ac ystadegol ac adolygais astudiaethau a phrosiectau blaenorol.

Gan weithio law yn llaw â swyddogion y cyngor, cefais ddealltwriaeth o brosiectau ar y gweill a phrofi syniadau ar gyfer addasu ac adleoli gweithgareddau a gwasanaethau yng nghanol y dref, megis addysg, busnesau, lleoedd aros, hamdden, ffordd o fyw a siopau. Fe wnaethom hefyd ystyried mynediad, cysylltiadau a seilwaith a hyrwyddo trafnidiaeth gyhoeddus, cerdded a beicio.

Gan ddefnyddio hunaniaeth gorfforaethol Pen-y-bont ar Ogwr, fe wnaethom ddylunio dogfen a oedd yn dangos dilyniant rhesymegol o leoliad y dref yn y rhanbarth, y fwrdeistref sirol a chanol y dref ei hun.

Dyfeisiwyd gweledigaeth, fframwaith strategol a chyfleoedd thematig o fewn dogfen weledol gref a oedd yn cynnwys argraffiadau, cynlluniau a delweddau blaenorol gan artistiaid. Yn olaf, edrychasom ar ganlyniadau, sut y gellid eu cyflawni a sut roeddent yn cyflawni nodau Deddf Llesiant Cenedlaethau'r Dyfodol 2015.