Datblygiad Partneriaeth Tref Y Drenewydd
Cleient: Cyngor Tref Y Drenewydd a Llanllwchaearn
Partneriaid: Dim
Lleoedd: Y Drenewydd, Powys
Angen y gymuned
Yn gynnar yn haf 2023, gofynnodd Cyngor Tref Y Drenewydd a Llanllwchaearn am fy nghymorth i helpu i ddatblygu eu partneriaeth dref. Roedd y cyngor eisoes wedi siarad â busnesau lleol, grwpiau cymunedol a sefydliadau i fesur diddordeb lleol mewn bod yn rhan o bartneriaeth, a oedd yn sylfaen dda i'm gwaith.
Yr hyn a wnes i
I ddechrau, es i siarad â'r rhai oedd â diddordeb. Yna trefnais gyfres o weithdai, gan wahodd pobl, busnesau a sefydliadau lleol eraill iddynt. Yn y gweithdai, defnyddiais enghreifftiau o bob rhan o Brydain i ddangos buddion partneriaethau canol trefi. Gwahoddais hefyd bobl i ddechrau meddwl am ddiben, ffurf a swyddogaeth partneriaeth bosibl.
Esboniais i'r pum cynghorydd sir yn y Drenewydd beth oedd diben ac amcanion partneriaeth y dref fel y gallent ddeall eu rôl o ran sianelu pryderon a chyfleoedd o lefel leol i lefel strategol.
Yna cynhaliais ail gyfres o weithdai, gan wahodd pobl i helpu i lunio'r gweithgareddau y gallai partneriaeth tref ddangos cyfeiriad ar eu cyfer. Buom hefyd yn ystyried:
Sut i lywodraethu a rheoli'r bartneriaeth, gan gynnwys sut y byddai'n cael ei chadeirio
Sut y byddai pob sector yn cael ei gynrychioli ar y bartneriaeth
Sut y byddai'r bartneriaeth yn cyfathrebu ac yn adrodd ar ei gwaith, gan gynnwys sut y gallai'r gymuned ehangach godi materion i'w trafod mewn cyfarfodydd partneriaeth.
Mewn camau diweddarach, helpais i ddrafftio cylch gorchwyl y bartneriaeth, a gyda chefnogaeth dau gynghorydd tref, fe wnes i hyrwyddo cyfarfod agoriadol partneriaeth y dref ym mis Tachwedd 2023 a gwahodd pobl yno.
Y canlyniad
Daeth bron i 40 o bobl i'r cyfarfod cyntaf. Cafwyd trafodaeth dda ar ffyrdd o weithio, y cylch gorchwyl drafft a'r enwebiadau ar gyfer y cadeirydd a hyrwyddwyr y dref. Mae partneriaeth y dref wedi cyfarfod sawl gwaith ers hynny. Mae wedi creu cynllun gwaith ac wedi cytuno sut y bydd cynghorwyr sir yn cael eu cynrychioli.
Ym mis Mawrth 2024, yng Ngwobrau Cenedlaethol Un Llais Cymru, dyfarnwyd y Drenewydd a Chyngor Tref Llanllwchaearn yn gyd-enillydd y wobr am y Fenter orau am Gynnwys y Gymuned am ei waith yn creu partneriaeth y dref, gyda'r beirniaid yn nodi "proses a natur strategol y fenter".
