Fy nghymuned

Mae Roberts Limbrick yn creu lleoedd yng nghanol cymunedau. Maent yn cynnig yr ystod lawn o wasanaethau pensaernïol drwy’r holl broses ddatblygu, ynghyd â rhai gwasanaethau arbenigol.

Mae eu penseiri yn deall sut mae pobl yn rhyngweithio â lleoedd ac yn defnyddio’r ddealltwriaeth hon i greu argraff gadarnhaol ar bob dyluniad. Er bod pob un o’u prosiectau yn unigryw, maent i gyd yn rhannu’r tri nod craidd o wella bywydau, cysylltu cymunedau, a chyfoethogi’n hamgylchedd.

Ymgynghoriaeth gynllunio, adfywio a datblygu economaidd lleol yw Owen Davies. Mae’n canolbwyntio ar wneud lleoedd yn well i fyw ynddynt, a’r rheini’n lleoedd cofiadwy a bywiog.

Mae Owen yn arbenigo mewn adnewyddu cymdogaethau, uwchgynllunio, strategaethau adfywio trefi a glannau dŵr, cyflogaeth a datblygu gwledig. Mae wedi gweithio gyda mwy na 60 o drefi a dinasoedd ym Mhrydain a thramor ac mae’n eistedd fel arbenigwr ar Dasglu Prif Strydoedd y llywodraeth.

Ymarferwyr pensaernïol sefydledig yng Nghaerfaddon yw Macgregor Smith. Maent yn arbenigo mewn uwchgynllunio, dylunio tirwedd a threfol, ac asesiadau tirwedd ac effaith weledol (LVIA).

Mae eu gwaith yn mynd y tu hwnt i bensaernïaeth tirwedd cyffredin i greu lleoedd sy’n dweud stori. Maent yn credu mewn gwarchod hanes a threftadaeth y lleoedd maent yn eu trawsnewid, gan aros yn driw i wreiddiau’r hyn sy’n gwneud pob prosiect yn unigryw. 

Dylunydd a cherflunydd yw Howard sydd â phrofiad helaeth mewn celf gyhoeddus a gweithgarwch cymunedol. Mae wedi gweithio’n agos gyda Chris ar lawer o brosiectau llwyddiannus, gan gynnwys adfywio Iard Bragdy y Fenni a Stryd Fawr Cas-gwent.

Gyda’i gilydd, maent yn cynnwys y gymuned mewn sesiynau ymgynghori a dylunio creadigol sy’n arwain at welliannau ffisegol dychmygus a hyder cymunedol gweladwy.

Cydweithrediad rhwng Gareth Strange (John & Jane), Giles Davis (Sensible) a Chris Jones yw Rooted in Place. Gyda’i gilydd, maent yn canolbwyntio ar farchnata a brandio i helpu lleoedd i ennyn diddordeb pobl a denu ymwelwyr newydd.

Stiwdio annibynnol yn ymwneud â brandio a dylunio graffig yw John & Jane sydd wedi’i lleoli yng Nghymru. Cafodd ei sefydlu gan Sarah Burley a Gareth Strange, ac maent yn canolbwyntio ar gynhyrchu gwaith creadigol a gwreiddiol ar sail dealltwriaeth a strategaeth.

Yn ogystal â gweithio gyda Chris ar brosiectau, John & Jane a ddyluniodd ei waith brandio ac maent wedi gweithio gyda sefydliadau enwog fel Princes Gate a BAFTA Cymru.